Faith and Deeds
"Meer Daden dan Woorden".
Esaki nos ta hasi dor di ofresé guia profeshonal i kombenio laboral ku ta pas pa nos personal. Pa medio di bon kolaborashon ku diferente ‘detachering, werving & selectiebureaus’ na Hulanda i a base di nan pedido i kupo di trabou nos por konektá i ofresé nos personal un trabou na Hulanda.
FAITH AND DEEDS no simplemente ta intersedé i yuda bo keda kla ku un trabou. Pero nos enfoke ta; kalidat i konfiansa. Si nos ‘match’ ku otro, nos por garantisá ku via nos bo por keda kla ku un trabou den e sektor tékniko i di konstrukshon na Hulanda serka un di nos klientenan.
Dikon traha na Hulanda?
No ta deskonosi ku ekonomikamente nos Islanan ta pasando den un tempu difisil. Pero di otro banda apesar di e pandemia Hulanda ta un pais ku a sa di mantene su ekonomia stabil i por ofresé diferente kupo di trabou. E diferensia ku tin entre Euro i Florin ta pone ku traha na Hulanda ta bira algu hopi atraktivo, di kual ta hasi ku e salario di Hulanda ta 2 te 4 biaha mihó ku riba nos Islanan.
Otro ventaha ta ku hopi di nos tin e nashonalidat i pasaporte Hulandes ku ta hasie hopi mas fasil pa laborá na Hulanda sin tin mester di pidi un visa.
Huntu ku nos apoyo i guia bo por hasi bon uso di tur e oportunidatnan aki.
BENEFISIONAN DI TRAHA NA HULANDA
- bon chèns pa spar
- 2 te 4 biaha mihó pago
- sufisiente kupo di trabou
- apoyo i guia di FAITH AND DEEDS
Formulario di Atmishon:
Bo ta biba na Aruba, Korsou i Boneiru i ta laborá den e sector tékniko òf di konstrukshon? Lo bo ta interesá pa traha na Hulanda pa un temporada? Yena e formulario di atmishon i nos lo tuma kontakto ku bo.